Үч депутаттын сотун жылдыруу суралууда

“Ата-Журттун” соттолуп жаткан депутаттарынын бири Талант Мамытов адвокаттарынын келбей калганына байланыштуу сот ишин жылдырууну суранды. Дагы бир адвокаттын ооруп, иштер менен тааныша албай калган өтүнүчү келтирилди. Ишти карап жаткан судьялар адвокаттардын алдын ала маалымат бербегенин сынга алып, алардын келбегенин себепсиз деп айтышууда.

Жогорку Сот бүгүн өткөн жылдын 3-октябрында мамлекеттик бийликти басып алууга аракет жасаган деген иш боюнча депутаттар Камчыбек Ташиев, Садыр Жапаров жана Талант Мамытовдун ишин карап жатат.(КЕ)