Испаниядагы поезд кырсыгынан кеминде 56 адам каза болуп, 70тен ашыгы жараат алды. Кырсык өлкөнүн түндүк-батышында Сантьяго-де-Компостела шаарына жакын жерде болгон. Анда тез жүрүүчү поезд темир жолдон чыгып кеткен. Испаниянын мамлекеттик телеканалы көрсөткөн кадрларда төрт вагондун жолдон чыгып кулап жатканы, дагы бир вагон түтөп жатканын көрүүгө болот. Бүгүн Испаниянын премьер-министри Мариано Райхой кырсык болгон жерге бараары күтүлүүдө.