Ооганстандагы жардырууда балдар менен аялдар набыт болду

Өлкөнүн чыгышындагы Нангахар провинциясында мүрзөдө болгон жардырууда кеминде 10 адам мерт болгонун расмий өкүлдөр “Азаттыктын” ооган кызматына ырасташкан.

Бүгүн Орозо айт күнү көптөгөн мусулмандар ал мүрзөгө коюлган туугандарына куран окутуш үчүн келишкен болчу.

Өзүнүн жылдык кайрылуусунда президент Хамид Карзай "Талибанды" жана башка козголоңчу топторду кайрадан куралын таштап, ооган тынчтык сүйлөшүүлөрүнө кошулууга үндөдү.