Палестина менен сүйлөшүү алдында Израил 26 палестинди бошотту

Алар Израил түрмөлөрүнөн шейшемби кечке жуук чыгышты. Бошотулгандардын көпчүлүгү "израил жарандарын өлтүргөн" деген айып менен камалгандар.
Өткөн айда жетишилген келишим боюнча Израил 104 палестиналыкты түрмөдөн чыгарат. 2010-жылы Израил палестиндерден басып алган жерлерге жөөт конуштарын кура баштагандан улам токтоп калган тынчтык сүйлөшүүсү АКШнын аракети менен башталган. Сүйлөшүүлөр шаршемби күнү улантылат деп күтүлүүдө.