17-18-августта өтө турган мелдеш 2010-жылы июнь окуясында каза болгон 3 милиция кызматкеринин элесине арналат. Иш-чараны Жалал-Абад облустук ички иштер башкармалыгы жана Жалал-Абад облустук футбол федерациясы уюштурууда.
Мелдешке Жалал-Абад, Ош, Баткен жана Бишкек шаарынан спортчулар жана мурдагы республикалык "Алга", кочкораталык "Нефтчи" командаларында ойногон ардагер футболчулардын командалары катышаарын облустук ички иштер башкармалыгынын басма сөз кызматынын жетекчиси Жусуп Камбаралиев 16-августта "Азаттыкка" кабарлады.(YA)
