Ош: клиникалык оорукана кызматкерине кылмыш иши козголду

Ош шаардык клиникалык ооруканага тийиштүү дарыкананын жетекчисине кылмыш иши козголду. Ал ооруканага таандык жалпы суммасы 85 584 сомдук дары-дармектердин акчасын өз пайдасына колдонгон деп айыпталууда. Бул тууралуу “Азаттыкка” Ички иштер министрлигинин Ош шаары жана облусу боюнча башкы башкармалыгынын басма сөз кызматынан маалымдашты.

Кармалган жетекчи үстүнөн Кылмыш-жаза кодексинин "Кызматынан кыянаттык менен пайдаланды" деген беренеси боюнча иш козголду. Тергөө иштери уланууда. (SE)