Бишкекте 2010-жылдан тартып колунда жок, аз камсыз болгон үй-бүлөлөрдүн саны 6 пайызга өскөн. Жалпысынан 22 миң 368 колунда жок үй-бүлө катталса, жакыр адамдар 54 миң болгон. Мындай маалымат калктын жакыр катмарынын түзүмүн аныктоо үчүн жарым жыл өткөрүлгөн социалдык паспорттоштурууда белгилүү болду. Бул тууралуу Социалдык өнүктүрүү министрлигинин маалымат кызматы кабарлады. Аз камсыз үй-бүлөлөрдүн көбөйүшү борбор калаа тегерегиндеги жаңы конуштардын өсүшү, ар кандай жеңилдиктерди алган жарандардын көбөйүшү менен байланыштырылууда. (КЕ)
