Борбордук шайлоо комиссиясынан “Азаттыкка” кабарлашкандай, үч депутаттын мандаттарынын алынышы боюнча токтом эртең жума күнү “Эркин-Тоо” гезитине жарыяланат. Токтом жарыяланган күндөн тарта депуттардын күбөлүктөрү күчүн жоготот. Токтомдун тексти бүгүн БШКнын сайтына илинди.
20-августта БШК Жогорку Соттун чечиминин негизинде “Ата-Журт” партиясынын үч депутаты Камчыбек Ташиев, Садыр Жапаров, Талант Мамытовдун мандаттарын алган.
Жогорку Сот 6-августта “Ата-Журт” фракциясынын депутаттары Камчыбек Ташиевди, Садыр Жапаровду жана Талант Мамытовду күнөөлүү деп тапкан. Жогорку Соттун өкүмүн жана БШК чечимин депутаттар саясий чечим деп баалап жатышат. (AzK)
