Өрт Сан-Франциско шаарына жакындоодо

Калифорниянын губернатору Сан-Францискодо өзгөчө кырдаал жарыялады. Өткөн жумада тутанган өрт шаарга жарык берүүчү электроэнергия линияларына коркунуч келтире баштады.

Губернатор Жерри Браун Йосемит Улуттук паркына жакындаган өрт шаарды тейлеген электроэнергия инфраструктурасына зыян келтиргенин айтып, электр өткөрүүчү линияларды жабууга буйрук берди. Парктан 300 километр алыстыкта орун алган Сан-Франциско электр жарыгысыз калды деген маалыматтар азырынча жок. Маалыматтарга ылайык, бүгүнкүгө чейин 4 миң 400дөн ашуун гектар жер өрттөлдү.