Бул тууралуу Мамлекеттик чек ара кызматынан кабарлашты. Маалыматка ылайык, быйыл казынадан кыргыз-өзбек чек арасын 20 чакырымга тикен зым менен тосмолоо үчүн каражат бөлүнгөн. Бул каражаттан Бишкек-Ош жолунун бойлой Коон-Базар аймагында 1 чакырым кыргыз-өзбек чек арасын тикен зым менен тосмолоо иштери жүрүп жатат. Азыркы учурга чейин 330 метри тосулуп бүттү. Мындан башка Баткендеги Өзбекстандын Сох анклавынын айланасын тосмолоо иштери да уланмакчы. (BkA)
