Британ парламенти Сирияга аскерий сокку урууга каршы болду

Британиянын өкмөтүнүн Сирияга аскерий чара көрүү тууралуу сунушун парламент колдогон жок. Бейшембидеги добуш берүүдө бул сунушка депутаттардын 285и каршы чыкса, 272и колдоду.

Добуш берүүнүн жыйынтыгы тууралуу британ премьер-министри Дэвид Камерон эл өкүлдөрү бул сунушка каршы болгон соң өкмөт бул ппландан баш тартаарын билдирди.

Өткөн аптада Сирия өкмөтү жайкын тургундарга каршы химиялык курал колдонду деген маалыматтардан кийин Британия жаңжалга кийлигишүүнү сунуштаган. Муну бир катар Батыш өлкөлөрү колдогон болчу.