3-сентябрдан 14-сентябрга чейин уланчу фестивалдын алгачкы үч күнү Көл жээгиндеги Кажы-Сай жергесинде өтөт. Анда жаш музыкант жана фотосүрөтчүлөр үчүн мастер-класстар уюштурулмакчы. Андан соң Бишкекте Кыргызстандын президентине караштуу “Манас” камералык оркестри, Бишкек шаардык мэриясынын алдындагы симфониялык оркестрдин концерттери уюштурулат. Фестивалды Кыргызстан жана Германиянын кызматташтыгын өнүктүрүүгө арналган “Лионс” клубу Маданият, маалымат жана туризм министрлиги менен биргеликте өткөрүүдө.(BkA)
