Кыргызстанда дан эгиндеринин 82 пайызы жыйналып бүттү. Айыл чарба жана мелиорация министрлигинин маалымат катчысы Кымбатбек Мусаевдин билдиргенине караганда, быйыл дан эгиндери 494 миң гектар жерге айдалган. Анын 409 миң гектарында оруп-жыйноо аяктады. 281 миң гектардан буудай жыйналып алынды. Орточо эсеп менен быйыл кылкандуу дан эгиндеринин түшүмдүүлүгү гектарынан 25 центнерден айланууда. (RK)
