Бишкекте кыргыз-кытай сүйлөшүүлөрү башталды. Кытайдын жаңы лидери Си Цзинпин Кыргызстанга алгачкы мамлекеттик сапарга кечээ кечинде келген. Учурда "Ала-Арча" мамлекеттик резиденциясында эки өлкөнүн башчылары өзүнчө сүйлөшүп жатат. Андан кийин сүйлөшүү кеңири форматта, эки тараптын расмий делегацияларынын катышуусунда уланат. Түштөн кийин Си Цзинпин Кыргызстандын парламент жана өкмөт башчылары менен жолугат. (EBM/RK)
