Кытай мамлекети Кыргызстан үчүн өтө ишенимдүү коңшу. Бул тууралуу бүгүн президент Алмазбек Атамбаев Бишкекте Кытайдын лидери Си Цзинпин менен жолугушууда айтты. Кыргызстан Кытайдын колдоосун ар дайым сезээрин, кытай тарап кыргыз экономикасын өнүктүрүүгө жардам берип жатканын кошумчалады. Си Цзинпин эки өлкө ортосундагы мамилени мындан ары да бекемдей турганын билдирди. Кытай лидеринин Бишкектеги мамлекеттик сапары кечээ башталган. Бүгүн ал өлкө жетекчилиги менен сүйлөшүүлөрдү жүргүзүүдө, эртең ШКУ саммитине катышат. (RK)
