Темир жол сүйлөшүүлөрү уланууда

Кытай - Кыргызстан - Өзбекстан темир жолун куруу боюнча сүйлөшүүлөр токтогон жок. Ал тууралуу бүгүн Бишкекте өткөн кыргыз-кытай жолугушуусунда да сөз болду. Бул жөнүндө "Азаттыкка" вице-премьер-министр Жоомарт Оторбаев билдирди. Анын айтымында, техника-экономикалык негиздеме иштелип чыкты.

- Иш жүрүп жатат. Эми каражат булактарын издеп, сөзсүз приоритет катары бул жолду курушубуз керек, - деди Оторбаев.

Бүгүн айрым маалымат булактары аталган долбоор токтоп калды деп жазып чыккан болчу. (RK)