“Кел, кыргызча сүйлөшөлү!” акциясы жүрүүдө

Бишкек жана Ош шаарларында “Кел, кыргызча сүйлөшөлү!”,- деген аталышта бир айлык акция жүрүп жатат. Аны Мамлекеттик тил боюнча улуттук комиссия 23-сентябрь – мамлекеттик тил күнүнө карата уюштурган.

Аталган комиссиядан маалымдашкандай, сентябрь айында коомдук жайлардагы тейлөө кызматтары кыргыз тилинде жүргүзүлүшүнө багытталган иш-чаралар өтөт. Андан сырткары, окуу жайларда тилди өнүктүрүүгө багытталган семинарлар, конференциялар болот. (SE)