Жардыруудан каза тапкандардын тек жайы аныкталды

Бишкектеги эмерек цехиндеги жардыруудан мерт кеткендердин тек жайы такталды. Шаардык милициянын маалымат катчысы Бакыт Сейитовдун "Азаттыкка" айтымында, алар уста Пригожин жана башкы бухгалтер Щетинина.

Бүгүн Лев Толстой №210 дарегинде жайгашкан эмерек чыгарган "Платонов" кичи ишканасында жардыруу болду. Милициянын божомолунда, бригадир менен башкы бухгалтердин ортосунда чечилбеген финансылык маселе болгон шекилдүү. Алдын ала маалымат боюнча, жардыруу Ф-1 гранатасын башкы бухгалтердин иш бөлмөсүнө бригадир алып киргенден бир нече секунддан кийин болгон. (MiT/RK)