Аксы районунда кыргыз жана өзбек чек арачылары тирешүүдө деген маалымат жергиликтүү тургундардан келип түшкөнүн бүгүн парламент жыйынында депутат Курманбек Осмонов билдирди. Ал чек ара аймагында турган Кыргызстандын телерадио сигналдарын таратуучу станцияны өзбек чек арачылары басып алганы айтылып жатканын кошумчалады. Ошондой эле Аксы акимчилигинин алдында 200-300дөй жергиликтүү тургун нааразылык акциясына чыкканын айтты. Бул боюнча Кыргызстандын Чек ара кызматынан комментарий азырынча боло элек. (ZB/RK)
