Былтыр август айында 11 адамды мыкаачылык менен өлтүргөн деп шектелген Саян Хаировдун соту жабык түрдө Алматыда башталды. Радикалдуу исламчыл топтун мүчөсү делген Хаиров Иле-Алатау улуттук паркында 11 адамдын сөөгү табылгандан кийин кармалган. Табылгандардын алтоосунун денелери таптакыр таанылгыс болгонго чейин өрттөлгөн. Алардын арасында ага токойчу Панайот Захаропуло, анын туугандары жана улуттук парктын башка кызматкерлери да бар. Кылмышка шектүүлөрдүн бири Заурбек Ботабаев кармала элек.
