Нарында өткөн түнү саат 02:19да очогунда күчү 3,5 баллга жеткен жер титирөө катталды. Өзгөчө кырдаалдар министрлигинин маалымат кызматынын башчысы Абдишарип Бекиловдун "Азаттыкка" айтымында, жер титирөөнүн очогу Жаман-Тоо аймагында, Баетов айылынан 30 чакырым түштүк-батыш тарапта жайгашкан. Силкинүүнүн күчү Орто-Сырт айылында 3 балл, Кара-Булак, Ак-Чий айылдарында 2,5 балл, Баетов айылында 2 балл болуп сезилген. Алдын ала алынган маалыматтар боюнча кыйроолор жана адам өмүрүнө зыян келген жок. (RK)
