Жалал-Абад шаарынын бир тургуну УКМКнын облустук башкармалыгына “СКС” үлгүсүндөгү бир карабин, “Сайга-410К” тибиндеги дагы бир карабинди он төрт огу менен жана автоматтык “Сайга-МК” үлгүсүндөгү карабинди 66 огу менен өткөрүп берди. Бул тууралуу 7-октябрда билдирген УКМКнын Жалал-Абад облустук башкармасы жарандарды мыйзамсыз сакталган курал-жарак, ок-дарыны ыктыярдуу тапшырууга чакырды. Ок атуучу куралды өз ыктыяры менен күч органдарына тапшырган адамдар кылмыш жоопкерчилине тартылбай, ал тууралуу маалымат айткан адамдын аты-жөнү, дайын-дареги жашыруун болоорун кулактандырды. (YA)
