HRW: Сирия оппозициясы 190 адамды негизсиз өлтүрдү

Эл аралык Human Rights Watch уюму Сириянын куралдуу оппозициясын Латакия губерниясындагы өкмөттү колдогон алавиттердин кыштактарына каршы чабуул маалында адамдарды мыйзамсыз өлтүрдү, барымтага алды жана башка зобун-зордуктарды жасады деп күнөөлөдү.

Уюмдун Нью-Йорктогу башкеңсеси жасаган билдирүүгө караганда, 4-августта башталган операция кезде оппозициянын согушчандары кеминде 190 адамды өлтүрүп, 200дөн ашуун адамды барымтага алган.

Чабуулга "Ирактын жана Шамдын Ислам мамлекети", ошондой эле "Жайиш ал-Мухажирин" болуп, эки группа катышкан. Алар барымтага алган адамдардын көбү аялдар менен балдар деп айтылат Human Rights Watch уюмунун билдирүүсүндө.