Бүгүн таң азандан ажы парзын аткарып жүргөн жүз миңдеген мусулмандар Арафат тоосуна зыярат кыла башташты. Быйыл ажыга 1, 5 миллион адам келгенин Саудия бийликтери маалымдады. Былтыр 3, 2 миллион адам ажыга барган. Мекедеги чоң мечиттеги курулуш иштерине жана дем алуу органдарына зыян келтирчү Жакынкы Чыгыш синдромуна байланыштуу Саудия өкмөтү зыяратчылардын санын аргасыз кыскарткан. Береги илдеттен улам дүйнө өлкөлөрүндө 60тан ашуун адам апаат болгон. Алардын көпчүлүгү саудиялыктар. Зыяратчылардын коопсуздугун 100 миңден ашуун аскер камсыздоодо.
