Москванын Бирюлево районундагы башаламандыкта жабыркагандар жана кармалгандар арасында кыргызстандыктар жок. Бул тууралуу “Азаттыкка” Кыргызстандын Москвадагы вице-консулу Алмаз Букалаев билдирди. Анын айтымында, дүйшөмбүдө консулдук кызматкерлери тактоо иштерин жүргүзүп, аталган райондогу кыргыз мигранттары менен жолукту. Жыйынтыкта кармалгандар арасында кыргыз жарандарынын жок экени аныкталды.
