Мурдагы коргонуу министри Давид Кезерашвили Францияда кармалганын Грузиянын ички иштер министрлигинин маалымат кызматы бышыктады. Февраль айында Тибилисинин шаардык соту Кезерашвилини сыртынан соттоп, аны коррупциялык айып боюнча камакка алууга буйруган. Грузиянын кызматынан кетип жаткан президенти Михаил Саакашвилинин жакын шериги саналган Кезерашвили коргонуу министрлигин 2006-2008-жылдары жетектеп турган.
