Мындай тапшырманы премьер-министр Жантөрө Сатыбалдиев биометриялык паспорт даярдоого арналган 19-октябрдагы өкмөт жыйынында берди. Бул тууралуу өкмөттүн маалымат кызматынан кабарлашты. Маалыматка ылайык, быйыл жазында биометриялык паспорт даярдоо боюнча өкмөттө атайын жумушчу топ түзүлгөн. Аталган топ биометриялык паспортту даярдоонун техника-экономикалык негиздемесин иштеп чыгып, өкмөткө сунуштаган. Учурда бул долбоорду ишке ашыруу үчүн 1 миллард 200 миллион сомго жакын каражат керектелүүдө. Бул каражат бөлүнгөн соң биометриялык паспорт даярдоо үчүн атайын тендер өткөрүлүп, кийинки жылдан тарта мындай документ жарандарга бериле башташы керек. Премьер-министр аталган негиздемеде айрым жагдайлар эске алынбай калганын билдирип, кыска убакыттын ичинде кайрадан иштеп чыгуу тапшырмасын берди.
Электрондук-биометриялык паспорт - адамдын өздүгүн тастыктоочу документ. Ага чип орнотулат, анын ичине биографиялык маалымат менен кошо үч өлчөмдүү санарип сүрөтү киргизилет. Аны банк карточкасы жана башка максаттарда да колдонсо болот. (BkA)
Электрондук-биометриялык паспорт - адамдын өздүгүн тастыктоочу документ. Ага чип орнотулат, анын ичине биографиялык маалымат менен кошо үч өлчөмдүү санарип сүрөтү киргизилет. Аны банк карточкасы жана башка максаттарда да колдонсо болот. (BkA)
