Кыргызстандын Кант авиабазасына Орусиянын Су-27 тибиндеги алты истребители учуп барды. Бул жөнүндө ИНТЕР ФАКС агенттиги Орусиянын коргоо министрлигинин басма сөз башкармалынын өкүлү, полковник Игорь Климовго шилтеп кабарлады. Анын айтымында, согуштук учактар 27-октябрда болчу Кант авиабазасынын 10 жылдыгына арналган салтанатка катышат. Авиабазанын үстүндө болчу авиамайрамга стратегиялык Ту-95 МС учактары да катышмакчы. Бул төрт бомбардировщик Кантка Саратов облусундагы Энгельс шаарынан Казакстан жана Кыргызстандын авиакызматтары менен такталган маршрут боюнча учуп барат.