Пакистанда жардырууга шектелген төрт киши камалды

Өлкөнүн түндүгүндөгү Пешавар шаарында полиция “29-сентябрдагы жардырууну уюштурган жана жасаган болушу мүмкүн” деп шектелген төрт козголоңчу колго түшүрүлгөнүн айтты. 40 адам өлгөн ал жардыруудан бир апта мурда Пешавардагы христиандардын чиркөөсүндөгү кош жардыруудан 80ден ашуун киши набыт болгон эле. Мунун баары Пакистан өкмөтү азыр өлкөдөгү талибдер менен тынчтык сүйлөшүүлөрүн жүргүзгөнгө аракет кылып жаткан чакка туш келген.