БУУдан өзгөчө кырдаалдар үчүн жардам бөлүндү

Бириккен Улуттар Уюмунун Качкындар боюнча башкы комиссарынын өкүлчүлүгү Кыргызстандын Өзгөчө кырдаалдар министрлигине материалдык-техникалык жардам тапшырды. Жалпы баасы 416 миң сомдук жууркан-төшөк, челек, чатыр, генератор жана башка буюмдарды өткөрүп берүү боюнча келишимге Ош шаарында кол коюлду.

Быйыл апрел айында атайын биргелешкен семинар өткөрүлүп, түрдүү кырсык чыкса качкындардын келишине даяр болуу планы иштелип чыккан болчу. (RK)