Линктер

дүйшөмбү, 25-сентябрь, 2017 Бишкек убактысы 16:00

"Эйр Кыргызстан" Дубайга уча баштайт


"Эйр Кыргызстан" авиакомпаниясынын борт коштоочусу, "Манас" эл аралык аба майданы, Бишкек, 13.06.2013.
"Эйр Кыргызстан" авиакомпаниясы Дубайдагы жаңы курулган "Ал-Мактум" эл аралык аба майданына Бишкектен 9-декабрдан тарта каттай баштайт. Бул каттамды Боинг–737 учагы тейлеп, рейс дүйшөмбү жана жума күндөрү кечке маал каттайт. Бул тууралуу "Эйрлайн рутс" авиация порталы маалымдады.

Буга чейин Бишкек – Дубай каттамын Бириккен Араб Эмираттарынын "Флай Дубай" авиакомпаниясы гана тейлеп келген. Ал эми "Флай Дубай" өзүнүн Бишкекке каттамдарынын санын аптасына үчтөн бешке көбөйттү.

Учурда Бишкек – Дубай учак жол киреси бир тарапка 371 доллар. Аты аталган эмираттык авиакомпания Оштон Дубайга аптасына эки ирет каттап, Ош – Дубай билети 301 доллар. (BAz)
XS
SM
MD
LG