Нарындагы Долон ашуусунун унаа жолу кайра ачылды. Бул тууралуу бүгүн Өзгөчө кырдаалдар министрлигинен кабарлашты. Кечээ, 11-ноябрдын кечинде Долон ашуусунда каар жаап, машиналар тайгаланып, жол тыгыны пайда болгон. Окуя болгон жерге саат 21:05те ӨКМдин Нарын шаардык Куткаруу кызматынын куткаруучулары барып, жол тыгынын жоюуга жардам беришти. Азыркы убакта жол каттамы ачык. (RK)
