Борбор Азиядагы, өзгөчө Өзбекстандагы кырдаалды чагылдырган үч сайт дүйшөмбүнүн таңынан тарта хакерлердин массалык чабуулуна кабылды. Алар: Fergana.ru, Uzmetronom.com жана Ca-news.org. Чабуулдун себептери жана булагы азырынча белгисиз. Бирок Fergana.ru сайтынын башкы редактору Данил Кислов ага өзбек президентинин кызы Гүлнара Каримова тууралуу сын макалалар себеп болушу мүмкүн деп боолголойт. Ал ошондой эле сайт коргоо системасын күчөтүп, жакынкы күндөрү ишин жандандыраарын бүгүн "Азаттыкка" билдирди.
