Ирактын баш калаасындагы чабуулдар негизинен шийи мусулмандары отурукташкан райондордо болду. Садрия районундагы базардын кире беришинде дүрмөттөлгөн машине жарылып, кеминде 5 киши өлдү, жаракат алгандар көп. Башка чабуулдар Шааб, Тобчи, Каррада, Азамия жана Амил райондорунда катталды. Быйыл апрелде өлкөнүн түндүгүндө суннилердин нааразылык лагерине жасалган рейдден бери Иракта зордук-зобун кайра күчөгөн. Ошондон бери Бириккен улуттар уюмунун эсебинде, өлкөдө 5,5 миңдей киши түрдүү чабуулдарда набыт болду.
