Украинанын баш калаасы Киевде 100 миңдей кишинин катышуусунда нааразылык акциясы өтүп жатат. Демонстранттар эрте шайлоо өткөрүүнү жана президент Виктор Януковичтин кызматтан кетүүсүн талап кылышууда. Жума күнү Вилнюстагы саммитте Киев Евробиримдик менен ассоциация тууралуу келишимге кол коюдан баш тарткандан кийин евроинтеграциянын колдоочуларынын акциялары күчөдү. Анын үстүнө кечээ демонстранттарга каршы күч колдонулуп, бир нече киши жарадар болгон. Ал ортодо президент Янукович Европа Биримдиги менен жакындашуу багытын уланта берээрине ишендирди.
