Ушу тапта Ош шаарынын борбордук аянтында камактагы депутат Келдибековдун тарапкерлеринин митинги өтүүдө. Кабарчыбыздын билдиришинче, азыр эле митингчилер тарабынан акимчиликке кирүү аракети жасалды. Бирок тартип коргоо кызматкерлери ага жол берген жок. Нааразылык акциясына чыккандардын айтымында, митингге 10 миң киши катышууда. Ал эми көз каранды эмес байкоочулар беш миңдей киши чогулуп турганын, милиция болсо 2 миңдин тегерегинде экенин билдирүүдө. (ErN/RK)
