Көлдүн Жети-Өгүз районунун борбору Кызыл-Суу айылында тынч митинг өтүүдө. Бул тууралуу "Азаттыкка" райондун акими Дамир Моңолдоров билдирди. Анын айтымында, айыл өкмөттүн алдында чогулган 100-150дөй киши түрдүү нааразылык акцияларга каршылыгын билдирип, элди тынчтыкка үндөөдө. Аталган райондун Саруу айылында буга чейин Кумтөр алтын кенине байланыштуу митингдер өткөрүлүп келген болчу. (MK/RK)
