Өлкөдөгү диний кырдаал Коргоо кеңешинин жакынкы жыйындарында каралат. Бул тууралуу бүгүн парламент төрагасы Асылбек Жээнбеков билдирди. Анын айтымында, мектептердеги адеп сабагынын окутулушу да мамлекет тарабынан көзөмөлгө алынат. Жогорку Кеңештин бүгүнкү отурумунда депутат Элмира Жумалиева айрым мектептерде адеп сабагы учурунда салтуу диндер тууралуу маалымат берүүнүн ордуна мугалимдер иегова сыяктуу диний агымдарга үгүттөп жатат. Парламент жетекчиси өкмөткө кайрылып, ушул маселени териштирүү керектигин айтты. (RK)
