Киевде милиция теле борбордун имаратын көзөмөлгө алды

Украинанын Ички иштер министрлиги кабарлагандай, мындай чечим нааразылык акциясына чыккандардын теле борбордун ишин токтотуу боюнча чакырыктарынан кийин кабыл алынды.

Украинанын борбор шаары Киевде евроинтеграциянын жүздөгөн жактоочуcу нааразылык акцияны калаанын негизги аянтында улантууда.

7-декабрга караган түнү дагы үч адам 1-декабрдагы башаламандыктарга катышкан деген шек менен эки айга камакка алынды. Ушул эле айып менен буга чейин 9 адам кармалган.

Украинанын өкмөтү Евробиримдик менен Ассоциациялык келишимге кол коюуга даярдыкты 21-ноябрда токтоткондон кийин бул чечимге каршы болуп, өлкө боюнча нааразылык акциялары башталган. (AiK)