Бишкекте мас милиция ок аткан-атпаганы иликтенүүдө

Бишкекте милиция кызматкери мас болуп, табелдик куралынан себепсиз ок чыгарды делген маалымат иликтенип жатат. Бул тууралуу “Азаттыкка” Бишкек шаардык Ички иштер башкармалыгынын басма сөз кызматы билдирди.

Окуя 7-декабрда түнкүсүн “Достук” мейманканасынын жанында болгонун айрым интернет сайттары жазып чыккан. Айтылып жаткан окуядан эч ким жабыр тарткан эмес. (SE)