Кыргызстандын биринчи вице-премьери Жоомарт Оторбаев кыргыз өкмөтүнүн Орусия үстөмдүк кылган Бажы биримдигине кошулуу боюнча түзүлгөн жол картасын «кабылдоого болбой турган» план катары четке какты. Оторбаев бүгүн Бишкекте президент Алмазбек Атамбаев менен өткөн биргелешкен жыйында сөз сүйлөдү. Ал аталган планды Евразиялык Экономикалык комиссия жалгыз иштеп чыккандыгын эскертти. Ал бул ишке кыргызстандык адистер тартылбагандыгын, ошондуктан ал ишке ашса, Кыргызстанда социалдык толкундоолор чыгып кетиши мүмкүн деди.
