Линктер

ишемби, 18-ноябрь, 2017 Бишкек убактысы 03:33

Келдибековдун тарапкерлери ачкачылыкты улантууда


Камактагы Жогорку Кеңештин депутаты Акматбек Келдибековдун тарапкерлери Ош шаарында ачкачылык акциясын улантышууда. Бул тууралуу "Ата-Журт” партиясынын Оштогу өкүлү Дария Шабданова кабарлады. Анын айтымында, шаардын борбордук аянтында тигилген үч боз үйдө 11-декабрдан бери 21 адам ачкачылык кармап жатат. Алар Келдибеков үй камагына бошотулмайын акцияны уланта берээрин билдиришти.

Акматбек Келдибеков коррупциялык иштерге айыпталып, Улуттук коопсуздук кызматынын убактылуу кармоочу жайына 20-ноябрда камалган. Аны бошотуу талабы менен буга чейин Бишкекте, Ошто жана Алай районунда нааразылык акциялары өткөн. Алайдагы тарапкерлери Ош-Сары-Таш-Эркеч-Там унаа жолун бууган болчу.(BkA)
XS
SM
MD
LG