Жакыңкы Чыгышта бороон менен калың кардан улам жолдордо жүздөгөн машиналар топтолуп калды. Иерусалимдин мэри, 54 жаштагы Нир Баркат “өмүрүндө мынча көп кар көрбөгөнүн” айтат. Израил бийлиги билдиргенине караганда, бейшембиден бери 50 сантиметр кар жаады. Мектептер эки күндөн бери жабык, жергиликтүү тургундарга үйлөрүнөн чыкпоо кеңеши берилди. Палестинанын Рамалла жана Бетлехем шаарлары да кар астында калды. Түндүктө болсо мындай аба ырайы сириялык качкындардын турмушун ого бетер оорлотту.
