Тогуз коргоол боюнча эл аралык турнир аяктады

Бишкекте жазуучу Чыңгыз Айтматовду эскерүүгө арналган тогуз коргоол боюнча эл аралык турнир бүгүн аяктады. Жыйынтыгында, эркектер арасында казакстандык Галымжан Темирбаев жеңүүчү деп табылды. Экинчи жана үчүнчү орундарды кыргызстандык Камчыбек Касымов менен Анарбек Жамакеев ээлешти.

Кыз-келиндерден кыргызстандык Аида Керимбекова биринчи орунду алды.

Турнир 11-декабрда башталган. Ага Кыргызстан менен Казакстандан 200дөй спортчу катышты. (KMa)