Казакстандын баш калаасы Астанада 18-декабрда ижарадагы батирлерден чыгарылгандар Башкы прокуратуранын алдында пикетке чыгышты. Алардын айрымдарын полиция кармап кетти. Кармалгандар «Махаббат» шаардык комплексинин жашоочулары. Соттун чечимине макул болбогон ондогон адамдар прокуратурага арыз-кайрылууларын таштоого келишкен. Пикетке чыккандар кыштын ызгаарында алдын-ала эскертүүсүз ижарага алынган батирлерден чыгарылып жаткандыгын айтышты.