Бишкекте Улуттук банк жетекчилиги менен коммерциялык банктардын башчыларынын жолугушуусу өттү. Улуттук банктын төрайымы Зина Асанкожоева 2014-2017-жылдарга карата иш багыты аныкталганын, насыялардын үстөк пайызын азайтуу, коммерциялык банктар арасында атаандаштыкты күчөтүү зарыл экендигин айтты. Банктар кеңешинин төрагасы Анвар Абдраев банктар үчүн негизги маселе - элдин ишеними аз болуп жатканын билдирди. Кыргызстанда 24 коммерциялык банк бар. Алар Улуттук банктан уруксат алып иштейт. (RK)
