Кыргызстанда иш орду менен камсыз болгон, башкача айтканда, экономикалык жактан активдүү аялдардын саны азайууда. Бул тууралуу кечээ аялдар темасына арналып Бишкекте өткөн жыйында айтылды. Вице-премьер-министр Камила Талиеванын билдиргенине караганда, эгемендиктин 22 жылында иштеген аялдардын саны 80%дан 42%га түштү. Бирок, өкмөт өкүлүнүн айтымында, чынында бул көрсөткүч мындан да төмөн болушу ыктымал. Адистердин пикиринде, бала бакча жана мектептердин жетишсиздиги көп аялдардын бала багып үйдө отуруусун шарттап жатат. (RK)
