АКШнын мурдагы биринчи айымы Барбара Буш дем алуусу кыйындап, Хьюстон ооруканасына жаткырылды. 88 жаштагы Барабара айым Кошмо Штаттардын 41-президенти Жорж Буштун зайыбы жана АКШнын 43-президенти, кенже Жорж Буштун апасы. Америкалыктарга Барбара айым шайыр, сарамжал жана күйөөсүнүн өкмөттүк ишинен өзүн оолак кармап, үй-тиричилиги менен алектенген аял катары белгилүү.