Бул күнү бардык православ чиркөөлөрүндө Исанын туулган күнүнө арналган майрамдык жөрөлгөлөр болот. Христиандар чиркөөлөргө келип, шам жагып, кудайга жалынышат. Ошондой эле кедей-кембагалдарга садага таратып, муктаждарга колдон келген жардам берүү керек деп эсептелет. Бүгүн Бишкектеги орус чиркөөсүндө майрамдык жөрөлгөлөр уюштурулат. Кечээ президент Алмазбек Атамбаев кыргызстандык христиандарга куттуктоо жолдоп, бул майрам жаңылануу менен айкөлдүктүн майрамы деп атаган. Кыргызстанда калктын он пайызга жакыны православ христиандары.(BkA)
