Бишкекте террорчул уюмдун мүчөлөрү кармалды

Бишкекте эл аралык террорчул уюмдун эки мүчөсү кармалды. Бул тууралуу Улуттук коопсуздук боюнча мамлекеттик комитеттен кабарлашты. Маалыматка ылайык, кармалгандар Сириядагы согушка катышкан чет өлкөнүн жарандары. Алар Кыргызстанга мыйзамсыз киришкен жана жасалма документтер даярдап, андан ары Сирияга согушкерлерди жиберүүнү мерчемдеп жүрүшкөн.

Учурда кармалган адамдарга кылмыш иши козголуп, камакка алынды. Тергөө иштери уланууда.(BkA)